وش اسم امك؟

موضوع: وش اسم امك؟ الإثنين مارس 26, 2012 5:40 am

هذا أب سلمكم الله كان بيطلع مع أخوياه طلعة برية تحبها قلوبكم
قال لأم عياله بآخذ الولد معي .. حاول معها يمين ويسار اليييييين وافقت الأم بعد طلعت الروح
الولد عمره تقريبا 4 الى 5 سنوات

وطلعوا البر وشبوا نارهم وسووا دلتهم وعلومهم وجلسوا سوالف وضحك

الاب راح يجيب بعض الأغراض ويرجع وترك ولده عند أخوياه

المهم الرجال تصيدوا الفرصة وقاموا يسألوا الولد:
وش اسم أمك ؟؟؟
الولد بكل براءة يرد على هذولا المتوحشين : ماني قايل
سألوه مرة ثانية وش اسم أمك ما نعلم أحد ؟!
ولكن لا يزال الابن ثابت على مبادئه: ماني قايلكم ..

ههههههههههههههه
يا حليله الولد كأنه في الشرطة يُستجوب في جريمة قتل
يااااااا خي كلها اسم أمك >> ههههههههههههههه

لا بس بصراحة عجبني ثباته

الا ويجيك واحد من هذولا المتوحشين ويقول للإبن : تر أبوك قالنا اسم أمك
ويرد الابن بكل براءة : كذابين أبوي ما يعلم باسم أمي

حاولوا فيه يمين يسار ما فيه امل
إلا ويجي الأب ويسألوه أخوياه : قلت لنا أسم امه صح ؟

الاب يطالع في ابنه ويقول ايه قلت لكم ..

هنا تجمعت الدموع في عين الابن وسأل ابوه : قلت لهم ؟
الاب أشفق على ابنه وقال : لا امزح ما قلت لهم

إلا والأبن يرد على أبوه بالرد الطامة اللي كسر مجاديفه

والله لو تعلم باسم أمي لأعلم باسم أمك ..

ههههههههههههههههههههههههه